Ираны нүүрсний уурхайд дэлбэрэлт болж, 50 гаруй хүн амиа алдав

Ираны Өмнөд Хорасан муж дахь нүүрсний уурхайд дэлбэрэлт болсны улмаас 51 уурхайчин амиа алдаж, 20 хүн гэмтэж, бэртжээ.

Урьдчилсан мэдээллээр, метан хий алдагдсаны улмаас уурхайн хоёр хэсэгт дэлбэрэлт болсон гэж үзэж байна. Тухайн үед уурхайд 69 хүн ажиллаж байжээ. Нийт 30 мянган кв км талбай бүхий Табас уурхай Тегеран хотоос 540 км зайд байрладаг байна. Одоогоор хэдэн хүн нурангин дор дарагдсан нь тодорхойгүй байна. Уурхайд метан хий хуримтлагдаад байгаа тул аврах ажиллагааг явуулахад хүндрэлтэй байгаа аж.