2025 оны технологийн трендүүд
2025 онд дэлхийн хөгжилд ихээхэн нөлөө үзүүлэх технологийн трендүүдийг шинжээчид нэрлэж байна. Эл жагсаалтад технологийн хөгжлийн хөдөлгөгч хүч болоод байгаа хиймэл оюун ухаан оржээ.
Түүнчлэн, технологийг хүний сэтгэхүйтэй асар их дөхүүлж буй Deep learning буюу гүн сургалтын процессорууд хиймэл оюун ухааны хөгжилд голлох байр суурь эзэлнэ гэж үзэж байна. Үүний сацуу эрчим хүчний хангамжийн салбарт үсрэлт гарна гэсэн хүлээлт байна. Учир нь хиймэл оюун ухаанд зориулсан дэд бүтцийн хөгжилд эрчим хүчний найдвартай бөгөөд экологийн цэвэр эх үүсвэр шаардлагатай. Энэ салбарын хувьд бага оврын модуль реакторууд чухал шийдэл болох талтай.
Текст, дүрс бичлэг, гэрэл зургийг нэгтгэсэн синтетик медиа давшилтад бэлдэж байна. Виртуал хөтлөгчид болон бүрэн автоматажсан мэдээллийн платформууд бодит болж, цар хүрээгээ тэлж байна.
Extended reality (RX) буюу өргөтгөсөн бодит байдал ихээхэн ирээдүй технологид тооцогдож байна. Өргөтгөсөн бодит байдлыг анагаах ухаан, боловсрол, аж үйлдвэрийн салбарт өргөнөөр хэрэглээд эхэлжээ. Өргөтгөсөн бодит байдал нь виртуал, баяжуулсан болон холимог бодит байдлуудыг нэгтгэсэн технологи юм.
Холбоотой мэдээ
Сэтгэгдэл ( 0 )