Оросын эсрэг хоригийг алсдаа цуцлах боломжтой гэж мэдэгджээ

“Оросын эсрэг хоригийг цуцлах асуудлыг алсдаа хэлэлцэх боломжтой хэдий ч одоогоор энэ талаар тохиролцсон зүйл байхгүй” гэж АНУ-ын ерөнхийлөгч Доналд Трамп мягмар гарагт мэдэгджээ.

“Хэзээ нэгэн цагт энэ асуудлыг хэлэлцэх байх гэж би бодож байна. Гэхдээ яг одоо аль нэг улсын эсрэг хоригийг цуцлах тухай бид тохиролцоогүй” гэж тэр Цагаан ордонд сэтгүүлчдэд мэдээлсэн байна.

Трамп ОХУ-аас ашигт малтмал худалдан авах хүсэлтэй байгаагаа мөн илэрхийлсэн байна. ОХУ-ын ерөнхийлөгч Владимир Путин хоёрдугаар сарын 24-нд тус улсын телевизийн сурвалжлагчтай ярилцахдаа, АНУ-ын худалдааны бодлого хориг дээр үндэслэдэг бөгөөд тэр нь хориг нэвтрүүлж байгаа талдаа ч, хоригт өртөж буй талд ч хохирол учруулдаг юм гэж мэдэгдэж байжээ.