Бичил дроны хурдаар дээд амжилт тогтоожээ

Хятад оюутан 3D принтерээр хэвлэсэн бичил дроныг 340 км/ц хурдлуулж, дээд амжилт тогтоожээ.

Залуу сонирхогч инженер Сюй Яны бүтээсэн бичил дрон нь нүүрстөрөгч утсаар хийсэн хөнгөн хүрээ, 0.4 мм зузаантай корпус болон хэт хурдны сэнсээр тоноглогджээ. “Prowess” бичил дрон 250 гр жинтэй хэдий ч 340.78 км/ц хурдалж, зайны удирдлагатай бичил дронуудын ангилалд дээд амжилт тогтоосон байна.

Өмнөх рекордыг мөн Сюй Ян тогтоож байжээ. Өнгөрсөн оны аравдугаар сард түүний бүтээсэн бичил дрон 244 км/ц хурдаар нисжээ. Тэрбээр бүтээлийнхээ хурдыг нэмэхийн тулд хөдөлгүүр, сэнсийг улам сайжруулахаар төлөвлөж байна.