The MongolZ баг Counter-Strike Major-ийн шигшээ тоглолтод шалгарсан Ази тивийн анхны баг боллоо

BLAST.tv Austin Major 2025 тэмцээн амжилттай өндөрлөж, Team Vitality дахин аварга болж түүхэн амжилтаа бататгасан бол Монголын The MongolZ баг Ази тивийн анхны төлөөлөгчөөр Major тэмцээний финалд шалгарсан түүхэн үйл явдлыг бүтээлээ. 1xBet Монголоос цахим спортын шинжээчид энэхүү амжилтын талаар дэлгэрэнгүй мэдээлэл хүргэж байна.

Major тэмцээний статистик

Valve компани Counter-Strike-ийн багуудыг гурван бүсэд ангилдаг: Европ (Европ болон ТУХН), Америк (Хойд ба Өмнөд Америк), Ази-Номхон далайн бүс (Ази, Далайн орнууд, Ойрхи Дорнод).

2013 оноос хойш нийт 22 Major тэмцээн зохиогдсон бөгөөд үүнээс 19 нь CS:GO, 3 нь CS2 хувилбарт хамаарна. Европын багууд 16 удаа аварга болж, Хойд ба Өмнөд Америкийн төлөөлөгчид 6 удаа түрүүлжээ. Хамгийн амжилттай багууд нь Astralis (4 удаа), Fnatic (3 удаа), NAVI болон Vitality (тус бүр 2 удаа) юм.

Хэдийгээр Казахстаны Gambit Esports 2017 оны PGL Major Krakow-д түрүүлж, AVANGAR 2019 оны StarLadder Berlin Major-ийн финалд шалгарч байсан ч тэд ТУХН-ийн бүсэд хамаарагддаг тул уламжлалт ойлголтоор Азийн багт тооцогддоггүй. Тиймээс Ази-Номхон далайн бүс өмнө нь финалд шалгарсан баггүй байсан юм.

The MongolZ багийн финал хүрсэн замнал

2023 оны 4-р сард IHC Esports болон 1xBet брэндийн дэмжлэгтэйгээр Монголын домогт нэр хүндтэй The MongolZ баг дахин байгуулагдсан. Анхны улиралд бүрэлдэхүүнээ бүрдүүлж, 2023 оны 9-р сард эцсийн бүрэлдэхүүнээ тогтоов. Ахлагч “bLitz” Б.Гарьдмагнай, снайпер “910” Б.Өсөхбаяр, буудлагын тоглогчид “Techno4K" М.Содбаяр ”, Б.Аюуш “mzinho”, “Senzu” М.Азбаяр. Анхаарал татахуйц нь Senzu багт элсэх үедээ дөнгөж 17 настай, mzinho 16 настай байсан юм.

2024 онд тэд YaLLa Compass, Thunderpick World Championship зэрэг олон улсын тэмцээнд түрүүлж, Skyesports Championship тэмцээнд мөнгөн медаль хүртсэн. Хэдхэн сарын дотор 1 сая ам.долларын шагналын сантай тэнцэх орлого олж, NAVI, Spirit, G2 багуудын дараа жагссан.

Гэсэн ч CS-ийн Major тэмцээнүүд илүү нэр хүндтэй тул The MongolZ тэдгээрт гол анхаарлаа төвлөрүүлжээ. Үр дүн нь дараах байдалтай байна:
    •    BLAST.tv Paris Major 2023:
    •    APAC RMR-т 2-р байр
    •    Challengers шатнаас (1-3) хасагдсан
    •    20–22-р байр
    •    Шагнал: $10,000
    •    PGL Major Copenhagen 2024:
    •    APAC RMR-т түрүүлсэн
    •    Нээлтийн шат (3-2), Хасагдах шатнаас (0-3) гарсан
    •    15–16-р байр
    •    Шагнал: $20,000
    •    Perfect World Shanghai Major 2024:
    •    APAC RMR: 1–2-р байр
    •    Нээлтийн шат (3-0), Хасагдах шат (3-0), плей-оффын ¼ шигшээд хасагдсан
    •    5–8-р байр
    •    Шагнал: $45,000
    •    BLAST.tv Austin Major 2025:
    •    VRS Asia шалгаруулалтаар шууд урилга авсан
    •    Шат 3: (3-2), плей-оффт шалгарч, FaZe Clan-ийг ¼ шигшээд, paiN Gaming-ийг хагас шигшээд хожиж, финалд шалгарсан.
    •    Финалд Team Vitality-д ялагдсан
    •    2-р байр
    •    Шагнал: $170,000

Дүгнэвэл, The MongolZ баг сүүлийн дөрвөн Major тэмцээнд амжилтаа тасралтгүй ахиулж, түүхэн дээд амжилтаа тогтоолоо. Хэрвээ энэ эрчээ хадгалж чадвал тэд StarLadder Budapest Major 2025 тэмцээнд түрүүлэх бүрэн боломжтой!