“Чингис хаан цом”-ыг хэн өргөх вэ?

Их эзэн богд Чингис хааны мэлмий гийсний 863 жилийн ой, “Монгол бахархлын өдөр”-т зориулсан “Чинги хаан цом”-ын төлөөх барилдаанд Улс, аймгийн алдар цолтой шилдэг 128 бөх хүч үзэх гэж байна.

Өнөөдрийн барилдаанд дархан аварга 1, улсын аварга 1, улсын арслан цолтон 5, улсын заан 7, харцага цолтон 12 тэргүүтэй нийт 12 бөх барилдах юм.

“Чингис хаан цом”-ын төлөөх барилдааны өмнө сайн формтой байгаа бөхчүүд гэвэл арслан Э.Батмагнай болон Б.Бямба-Отгон нар байна. Энэ цагийн шилдэг начингууд, аймгийн цолтой бөхчүүд ч түрүүлж мэднэ. Анхлан 2012 оноос хойш зохиогдож ирсэн энэхүү барилдаанд өмнө нь аймгийн цолтой бөх түрүүлж байгаагүй. Хамгийн бага цолтой бөх түрүүлсэн одоогийн улсын заан Д.Анар начин цолтой байхдаа 2018 онд түрүүлж анх удаа энэ барилдаанд начин цолтой бөх түрүүлсэн тохиолдол болж байв. Өнгөрсөн жил "Монгол бахархлын өдөр"-т зориулсан барилдаан "Чингис хаан цом" болсон анхны жил нь улсын харцага Э.Даш түрүүлж "Чингис хааны цом"-ыг анх удаа өргөсөн билээ. 

Үндэсний бөхийн холбооноос тогтоосон чансааны эхний 10 байрыг та бүхэнд танилцуулъя.

1. Н.Амгаланбаатар /Аймгийн арслан/

2. П.Бүрэнтөгс /Улсын аварга/

= Ц.Бямба-Отгон /Улсын арслан/

4. Ө.Батсуурь /Аймгийн арслан/

5. Э.Мөнх-Эрдэнэ /Аймгийн арслан/

6. Э.Батмагнай /Улсын арслан/

= Г.Төрмөнх /Аймгийн арслан/

8. Б.Бат-Өлзий /Улсын заан/

= Б.Зоригтбаатар /Улсын харцага/

10. Х.Чойжилсүрэн /Аймгийн арслан/

= М.Эрхэмбаяр /Аймгийн арслан/