Оцон шувуу устах нь

Далай судлалын Скриппс институтын эрдэмтэд Антарктидын баруун хэсэгт амьдардаг оцон шувууны тоо огцом буурсныг мэджээ. Хоолодог крил хэмээх бяцхан хавч багассанаас ингэж хорогдсон гэдгийг ч олж тогтоосон байна. 1986 оноос хойш энэ бүсэд оцон шувууны тоо байнга буурч ирсэн байна. Уур амьсгалын өөрчлөлттэй холбоотойгоор далайн ус дулаарч, халим зэрэг нялцгай идэштний тоо толгой нэмэгдсэнээс болж хоол тэжээлийн хомсдол үүссэн гэж эрдэмтэд үзэж байгаа аж. Криль гэдэг нь зургаан сантиметр урт, хавч хэлбэрийн нялцгай биетэн бөгөөд өмнөд мөсөн далайд сүрэглэн амьдардаг аж. Хэдхэн жилийн өмнө нэг метр3 усанд 30 мянган ширхэг хүртэл маш олноороо сүрэглэн байх нь тааралддаг байсан бол өдгөө энэ нь ховорджээ. Энэ шавьж устах юм бол далайн экосистем бүхэлдээ өөрчлөгдөж олон төрлийн загас устаж үгүй болох юм байна. 

С.Төгөлдөр