Уур цухлыг өөрт ашигтайгаар эргүүлэх аргууд

Бид уурласан үедээ маш ихээр тавгүйтэж, өөрийгөө хянах, шийдвэрийг зөв гаргах чадвараа алдсан байдаг. Тэгвэл уур гээч зүйлийг хэрхэн үгүй хийж, тэр ч бүү хэл өөртөө ашигтайгаар эргүүлэх аргуудаас уншигч танд хүргэе.

-Галыг галаар унтраадаггүй шүү дээ. Үүний нэгэн адил уурыг уураар зогсоох боломжгүй.

-Таныг уурлуулсан хүн рүү дайрах биш өөрийнхөө уур руу далайж номхотгох хэрэгтэй.

-Уур хилэнг өршөөл уучлалаар л дарна.

-Уурандаа хэлсэн үг, үйлдэл тань үргэлж ичгүүрээр төгсдөг гэдгийг судлаачид тогтоочихсон.

-Одоогийн нийгэм хүмүүсийн сэтгэхүйг өөрчилж, харгис хатуу болгож байгааг сэтгэл судлаач нар хэлдэг.

-Хүн уурлаж байх үедээ сэтгэл нь дандаа гадагшаа анхаарсан байдаг. Ингэх биш дотогшоо хараад үзэх хэрэгтэй гэнэ. Уурласан үедээ өөрийнхөө дотоод сэтгэлийг л сонсч, юунд бухимдаад, юу хүсээд байгаагаа олчихсон байхад хэрүүл маргааны хэрэггүй.

-Уур цухлыг өөртөө ашигтайгаар ч эргүүлж болдог байна. Энэ нь дээр хэлсэнчлэн өөрийгөө сонсож сурах, буруугаа бусдаас биш өөрөөсөө олж чаддаг болохыг хэлж байгаа юм. Мөн уйлах, инээх, уурлах, баярлах гээд бүхий л сэтгэл хөдлөлд сайн тал гэж бий. Хүн сэтгэл хөдлөлийн ийм дээд цэгт хүрч үзэж байж өөрийгөө олох нь ч бий.

О.Саша

WWW.ZINDAA.MN