Рио Тинто: Байгалийн гамшиг төмрийн хүдрийн борлуулалтад нөлөөлөх төлөвтэй

Б.Болорсүх | Zindaa.mn
2019 оны 03 сарын 29

Австрали улсын баруун эрэгт өнгөрсөн долоо хоногийн амралтын өдөр болсон хуй салхи төмрийн хүдрийн олборлолтод нөлөөлж болзошгүйг Рио Тинто компани анхаарууллаа. Дэлхийн төмрийн хүдрийн зах зээлд хоёрдугаарт бичигдэх Рио Тинто компани байгалийн гамшгийн дараа нэн даруй арга хэмжээ авч өчигдрөөс буюу энэ сарын 28-ны өдрөөс эхлэн хэвийн үйл ажиллагаандаа шилжсэн байна. Австралийн төмрийн хүдрийн ихэнх орд баруун эргээ дагаж байрласан байх бөгөөд хуй салхи энэ бүс нутагт болсон юм.

Гэхдээ байгалийн гамшгаас шалтгаалан Ламберт болон Дампьер боомт түр хугацаанд хаалгаа бариад байна. Одоогоор чухам хэзээ нээгдэх нь тодорхой болоогүй байна. Он гарснаас хойш үер, хуй салхи зэрэг байгалийн гамшгаас шалтгаалан нүүрс болон зэс, төмрийн хүдрийн олборлолт, борлуулалтад сөргөөр нөлөөлөөд байгаа билээ.

Эх сурвалж: Reuters

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top