Хотын захирагч “Зүүн баян рефайнери” ХХК-ийн үйл ажиллагааг зогсоолоо

2019 оны 04 сарын 08

Нийслэлийн удирдах ажилтны шуурхай хурал өнөөдөр /2019.04.08/ боллоо. Хурлын төгсгөлд хотын дарга холбогдох албан тушаалтнуудад зарим үүрэг даалгаварыг өгөхдөө Туул голын эрэг дагуу олгосон газар эзэмших эрхүүдийг цуцлахыг Газар зохион байгуулалтын албанд үүрэг болгов.

Мөн тухайн газар дээр ямар нэгэн барилга байгууламж барих эрхийг олгохгүй байхыг нийслэлийн Хот байгуулалт, хөгжлийн газарт даалгавар болголоо. Холбогдох хууль тогтоомжийн дагуу шалгалт хийж ажиллахыг Нийслэлийн мэргэжлийн хяналтын газарт үүрэг болголоо.

Түүнчлэн Туул голын эрэг дагуу газар шорооны ажил эхлүүлсэн Идэр интернейшнл ХХК, “Зүүн баян рефайнери” ХХК-ийн барилгын үйл ажиллагааг зогсоохыг нийслэлийн Хот байгуулалт, хөгжлийн газрын удирдлагуудад үүрэг болгов. Мөн Нийслэлийн гэр хорооллын дахин төлөвлөлтийн газраас иргэдэд зориулан барьсан орон сууцанд төрийн албан хаагчид өөрсдөө амьдарч байгаа байдлыг шалгаж, орон сууцыг чөлөөлүүлэх арга хэмжээ авахыг даалгалаа.

Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иргэн (112.72.11.103)  2019 оны 04 сарын 08

Туул голд дээр нэгэнт талыг баричихсан юм чинь газрыг цуцлаад яахач юм билээ. Үнэхээр ахых нь барила уу?? өөрийх нь барилга уу ? Энэ цуцлалт худлаа байх өө??

0  |  0
зочин (66.181.189.157)  2019 оны 04 сарын 08

ЭНЭ НОВШ ҮНЭНД ГҮЙЦЭГДЭЖ БАЙНА. МОНГОЛЧУУД БИД ЭНЭ АВИЛГАЧ НОВАЛАРСАЙХАН ШНУУДЫГ ЯЛАХ ЁСТОЙ.

0  |  0
Top