Ч.Хүрэлбаатар: Ерөнхийлөгчийн хориг огт үндэслэлгүй гүтгэлэг

М.Хангал | Zindaa.mn
2019 оны 05 сарын 15

Монгол Улсын Ерөнхийлөгч Х.Баттулга өчигдөр /2019.05.15/ Татварын ерөнхий хууль, Аж ахуйн нэгжийн орлогын албан татварын тухай хууль, Хүн амын орлогын албан татварын тухай хууль болон эдгээрийг дагалдаж батлагдсан хуулиудад бүхэлд нь хориг тавьсан билээ.

Харин Ерөнхийлөгчийн хоригийг Сангийн сайд Ч.Хүрэлбаатар хүлээн авах боломжгүй гэдгээ илэрхийллээ. Тэрбээр “Энэ хоригтой огтхон ч санал нийлэхгүй. Үндэслэлгүй, дотор байгаа зүйлийг нь ойлгоогүй хориг гэж үзэж байна. Оюутолгойд давуу байдал үүсгэсэн гэсэн байна. Хуульд цагаан цаасан дээр хараар бичсэн байгаа. Ашигт малтмал, цацрагт идэвхт, газрын тосны хайгуулын болон ашиглалтын тусгай зөвшөөрөл эзэмшдэг компаниудад татварын хөнгөлөлт, чөлөөлөлт үйлчлэхгүй гээд биччихсэн байгаа. Үүнийг ойлгочихоод тоглоод байгаа юм уу, мэдэхгүй. Үнэ шилжүүлэлт капиталжуулалтын дүрмийг дордуулсан гэсэн байна. Яг эсрэгээрээ. Монгол Улс хар жагсаалтаас гарах нэг нөхцөл нь үнэ шилжүүлэхийн эсрэг Монгол Улсын татварын хуульд заалт байхгүй байна, үндэстэн дамнасан компаниудад боломж олгоод байна гэсэн учраас бид Татварын хуульдаа оруулж өгсөн. Тэгэхээр огтын үндэслэлгүй гүтгэлэг гэж хэлье. Уул уурхайн компаниудын тусгай зөвшөөрөл бүрээр тайлан гаргахаар тусгажээ гэсэн байна. Бөөнд нь тайлагна гэсэн санал оруулж байгаа юм байна. Үүнийг огтхон ч хүлээн зөвшөөрөхгүй. Бөөнд нь тайлан гаргаснаар татвар төлөхгүй болчихдог. Лиценз болгоноор тайлагнаснаар ашигтай лиценз болгоноосоо татвар төлдөг болно. Арилжааны банкууд гаднаас хөрөнгө татахаар 10 хувийн суутгах татвар оногдуулдаг байсныг 5 хувь болгожээ гэсэн байна. Энэ бол дотоодод байгаа зээлийн хүүг буулгах зорилгоор оруулж ирсэн зүйл. Монголд байгаа мөнгөөрөө зээл олгоод байвал зээлийн хүү өндөр хэвээр байна. Тэгэхээр гаднаас зээлийн эх үүсвэр орж ирээсэй гэсэн үүднээс 5 хувийн татвар тавьсан гэдгийг онцолж хэлмээр байна.

Борлуулалтын орлого нь 50 сая төгрөгөөс бага аж ахуйн нэгжүүдэд татварын хялбаршуулсан горимыг өгөөд бусад хөнгөлөлт чөлөөлөлтөд хамрагдах боломжгүй болгосон гэсэн байна. Энэ бол бүр онигооны юм болж байгаа. Яагаад гэвэл ААН-үүд өөрсдөө сонголтоо хийх боломжтой. Жилдээ нэг удаа тайлан гаргах, эсвэл тайлангаа гаргаж өгөөд хөнгөлөлтөө эдлэх эрх нь нээлттэй. Тэгэхээр энэ бүхнийг авч үзээд хоригийг хүлээж авах боломжгүй. Хориг дотор байгаа зүйлс үндэслэлгүй, Монгол Улсын эдийн засгийн өсөлтийг хааж боосон хориг болсон байна” гэлээ.

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
irgen(203.217.139.225) 2019 оны 05 сарын 16

erunhiilugchees yamarch yum goridood hereggui.

Монгол(202.179.26.88) 2019 оны 05 сарын 16

Хулгай. авилгал 2 нь илэрчих гээд сандраад байнаа даа

Зочин(59.153.113.163) 2019 оны 05 сарын 15

Дубайн гэрээг цуцлах ньзөв хоригын хувьд хүрэлбаатарын тайлвар үндэслэлтэй санагдана

Зочин(139.5.219.120) 2019 оны 05 сарын 15

Хүрэлбаатар ч Монголын газар шороог гадныханд зарчхаад ямар ч зэм хүлээлгүй уснаас хуурай гардаг, ер нь яаж ч мэдэх аюултай хүн дээ.

Зочин(150.129.143.247) 2019 оны 05 сарын 15

Еронхийлогчийн хоригийг уншаад Дубайн гэрээг цуцлах саналтай юм байна гэж ойлгосон Хоригийг зовлохуудээс нь хэн бичсэн юм болдоо

Top