Хотын Захирагч С.Амарсайхан Элчин сайд К.Кобландинтай уулзлаа

2019 оны 05 сарын 24

Нийслэлийн Засаг дарга бөгөөд Улаанбаатар хотын Захирагч С.Амарсайхан /2019.05.23/ Бүгд найрамдах Казахстан улсаас Монгол Улсад суугаа Онц бөгөөд Бүрэн эрхт Элчин сайд К.Кобландинтай уулзлаа. Уулзалтад Казахстан улсын элчин сайдын яамны зөвлөх А.Абишев, нийслэлийн Хот байгуулалт, хөгжлийн газрын орлогч дарга Ч.Бум-Эрдэнэ, НЗДТГ-ын Хөгжлийн бодлого, төлөвлөлтийн хэлтсийн дарга Г.Өлзийбаяр зэрэг албаны төлөөлөл оролцсон юм.

Уулзалтын эхэнд ирэх сарын 3-ны өдрөөс эхлэн хоёр улсын нийслэл хотын хооронд шууд нислэг үйлдэхээр болсон талаар Элчин сайд К.Кобландин хотын даргад дуулгасан юм. Мөн уулзалтаар ирэх сарын 4, 5-ны өдрүүдэд Улаанбаатар хотод “Казахстаны худалдаа, эдийн засгийн бизнес форум” зохион байгуулагдах талаар болон хоёр улсын харилцаа хамтын ажиллагааны талаар санал солилцлоо.

Нийслэлийн Засаг дарга бөгөөд Улаанбаатар хотын Захирагч С.Амарсайхан “Цаг заваа гарган хүрэлцэн ирсэнд талархаж байна. Агаарын тээврийн шууд нислэгтэй болж байгаа нь хоёр улсын хооронд аялал жуулчлал, соёлын харилцааг өргөжүүлэхэд өндөр ач холбогдолтой юм. Ирэх сард болох бизнес уулзалтад нийслэлийн зүгээс бүх талаар дэмжиж, хамтарч ажиллах болно” хэмээлээ.

Уулзалтын төгсгөлд Элчин сайд К.Кобландин Улаанбаатар хотын Захирагч С.Амарсайханыг Нур-Султан хотод албан ёсны айлчлал хийхийг урьсан юм.

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
matilda(156.0.214.11) 2019 оны 05 сарын 27

Таны анхааралд аваарай Та бол хувийн зан чанартай, шударга, эелдэг. Таны сарын төлбөрийг танд өгөхөд туслах орлого байна уу? 2: 3% -ийн хүүг эргэн төлж чадах бүх хүмүүст маш хялбар нөхцөлд 2,000 € хүртэлх 4,000,000 € / $ -р зээл олгодог. Би зээл авч чаддаггүй бөгөөд хуулийг хориглодог. Би өмгөөлөгчтэйгээ хамт богино, дунд, урт хугацаанд зээл авах боломжтой. Бид таны хүсэлтийг мэдэхгүй бөгөөд гүйлгээг баталгаажуулахын тулд банкны зүгээс гаргасан шилжүүлгийг бидэнд ирүүлдэггүй. . Цахим шуудан: matildalecoustre@gmail.com хаягтай холбоо бариарай wathsapp: 0022 995 414 913

0  |  0
Top