“Нийслэлийн зорилтот бүлгийн иргэдийг түрээсийн орон сууцанд хамруулах журам” батлагдлаа

М.Тэнүүн | Zindaa.mn
2019 оны 07 сарын 06

Нийслэлийн ИТХ-ын Тэргүүлэгчид 2019 оны 07 сарын 04-ний  өдөр ээлжит хуралдаан зарлан хуралдуулж нийт 13 асуудал хэлэлцлээ. Хуралдаанаар “Нийслэлийн орон сууцны мэдээллийн сангийн үйл ажиллагааны журам”, “Түрээсийн орон сууцанд хамруулах журам”-ыг батлах болон “972 айлын орон сууцанд иргэдийг хамруулах” тухай асуудлуудыг Нийслэлийн орон сууц корпораци ХК-ийн гүйцэтгэх захирал Б.Сүхбаатар танилцуулав. Түрээсийн орон сууцанд хамруулах журмын зорилго нь Засгийн газрын 248 дугаар тогтоолоор батлагдсан “Түрээсийн орон сууцны хөтөлбөр”, “Нийслэлийн орон сууц, дэд бүтцийг хөгжүүлэх, дэд хөтөлбөр”-т тусгагдсаны дагуу нийслэлийн зорилтот бүлгийн иргэдийг түрээсийн орон сууцанд хамруулах үйл ажиллагааг зохицуулахад оршиж байна. Эл журмуудаар нийслэлийн түрээсийн орон сууцанд мэдээллийн сан бүрдүүлэх, иргэдийг хямд төлбөртэй түрээсийн орон сууцаар хангах, түрээсийн олон талт хэлбэрийг хөгжүүлэх, түрээслүүлээд өмчлүүлэхтэй холбоотой харилцааг хэрхэн зохицуулахаар тусгажээ. Тэргүүлэгчдийн зүгээс журамтай холбоотойгоор асуулт асууж, санал дэвшүүлэв. Тухайлбал нийслэлийн ИТХ-ын Тэргүүлэгч Ш.Үнэнбатын зүгээс иргэдээс ирсэн санал хүсэлтийн дагуу хэд хэдэн асуултыг асууж тодрууллаа. Үүнээс дурьдвал:

Ш. Үнэнбат: Сонгон шалгаруулах ажлын бүртгэл хэзээнээс хийгдэх вэ, цахим бүртгэл хийгдсэний дараа сонгон шалгаруулалтыг цахимаар явуулах боломжтой юу?

Б.Сүхбаатар: Цахим бүртгэлийг 2019 оны 7 сарын 22-оос эхлэнэ гэж төлөвлөсөн. Сонгон шалгаруулалтыг цахимаар явуулах боломжгүй.  Гарч болох олон эрсдлээс урьдчилан сэргийлэх зорилгоор коммис байгуулан ажиллана.

Ш.Үнэнбат Түрээсийн доод хэмжээ, 1м2 талбайг зургаан мянган төгрөгөөр тооцно. Одоо энэ үнэлгээгээр байх уу?. Энэ үнэлгээ буух боломжтой юу?

Б.Сүхбатаатар: Барилга хот байгууллалтын  сайдын тушаалаар 1м2-ын түрээсийн үнэлгээний доод хэмжээ нь зургаан мянга байна гэж батлагдсан. Одоо энэ үнэлгээгээр явагдана. Үнэлгээг бууруулах саналаа Барилга хот байгуулалтын сайдад хүргүүлсэн байгаа.

Ш.Үнэнбат: Түрээсийн орон сууцыг зорилтот бүлгийн ахмад настан, хөгжлийн бэрхшээлтэй иргэдийг хамруулахдаа эрэмбэлэнэ гэж байна. Хэрхэн яаж эрэмбэлэх вэ?

Б.Сүхбатаатар:  Энэхүү журамд хөгжлийн бэрхшээлтэй иргэдийг эрэмбэлэхдээ харааны, сонсгол хэл ярианы, хөдлөх тулах эрхтэний, оюун сэтгэцийн, бусад гэсэн хэлбэрээр тав хуваагаад оруулсан байгаа. Үүн дотор хөгжлийн бэрхшээлтэй иргэдийн заалт тодорхой тусгагдсан байгаа талаар дурьдав.

Түүнчлэн журмын нэршлийг оновчтой болгох үүднээс холбогдох өөрчлөлтийг тусгах саналыг нийслэлийн ИТХ-ын Тэргүүлэгч Ш.Үнэнбат гаргаж олонхийн саналаар дэмжигдэв.

Харин Нийслэлийн ИТХ-ын дарга Р.Дагва “Мэдээллийн сангийн аюулгүй байдлыг хангах тал дээр анхаарч ажиллаарай. Нөгөөтэйгүүр иргэдийн хамгийн их хүлээлттэй байгаа түрээсийн орон сууцны асуудалтай холбогдож байгаа учраас хариуцлагатай ажиллах хэрэгтэй” талаар сануулав. Ийнхүү “Нийслэлийн зорилтот бүлгийн иргэдийг түрээсийн орон сууцанд хамруулах журам” батлагдлаа.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
soyongua(202.55.188.43) 2019 оны 07 сарын 06

коммис .Сүхбатаатар .....albaar aldaad baidag uymuu haashaa uym hurdan bichij baigaa tsaraii uym uu

0  |  0
Top