“Миний Монгол наадам - 2019” уралдаан зарлажээ

Монгол үндэсний баяр наадмаа олон улсад сурталчлах, хилийн чанадад ажиллаж, амьдарч буй монгол иргэдийг дэмжих, тэдэнтэй хамтран ажиллах, түүх, соёл, өв уламжлалаа өвлүүлэн үлдээх зорилгоор “Миний Монгол наадам -2019” уралдаант шалгаруулалтыг Гадаад харилцааны яам, “Үндэсний их баяр наадмыг зохион байгуулах хороо”-той хамтран зохион байгуулж байгаа ажээ.

Уралдаанд оролцогч хилийн чанад дахь монгол иргэд, холбоо, төрийн бус байгууллагыг шалгаруулан урамшуулах юм. “Миний Монгол наадам – 2019” уралдаанд оролцогчид нь тухайн улсдаа наадмаа амжилттай зохион байгуулж, олон хүн хамруулсан, монгол өв соёлоо сурталчилсан, түүнийгээ хэвлэл мэдээллийн хэрэгслээр нийтэлсэн байх зэрэг шалгуурыг тавьж буй юм. Наадам зохион байгуулсан талаарх мэдээллээ наймдугаар сарын 1-ний дотор ирүүлэх бөгөөд тус уралдааныг сүүлийн жилүүдэд Гадаад харилцааны яам уламжлал болгон зохион байгуулж иржээ.