Чөлөөт бөхийн ДАШТ: Э.Бэхбаяр Угуевт ялагдлаа

2019 оны 09 сарын 19

“Нур-Султан 2019” чөлөөт бөхийн ДАШТ-ий гурав дахь өдөр эрэгтэйчүүдийн 57, 65, эмэгтэйчүүдийн 62, 68 кг-ын жингийн урьдчилсан болон хагас шигшээ барилдаан болж байна. Манай улсаас хөдөлмөрийн баатар С.Батцэцэг, гавьяат тамирчин Э.Бэхбаяр, ОУХМ Т.Тулга, Э.Гантуяа нар Казахстаны дэвжээнд өнөөдөр /2019.09.19/ гарна.

Эрэгтэйчүүдийн 57 кг-д гавьяат тамирчин Э.Бэхбаяр эхний барилдаанд Мухамад Икромовыг  (Тажикистан) 8-6 ялсан.

Дараа нь Науру улсын бөхийг цэвэр ялсан, 2017 оны залуучуудын Азийн аварга Узбекистаны Жахонгирмирзо Туробовыг 6-0 ялсан.

Дараагийн тойрогт өнгөрсөн жилийн дэлхийн аварга, энэ жилийн Европын наадмын хүрэл медальт ОХУ-ын Заур Угуевтай барилдлаа. Уруев эхний барилдаандаа Азербайжаны бөхийг тун маргаантай ялсан. 

Эхний үед торгуулиар 1 оноо алдсан манай бөх этүүлээд ардаа алдаж, хоёр оноо нэмж алдсан.

Хоёрдугаар үед хөлд сайхан орж, хоёр оноо авсан ч нэмж оноо авалгүй, дахин хоёр оноо алдаад 2-5 ялагдлаа.

Одоо Угуевийг сайн барилдаасай гэж  хүлээх үлдлээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top