Чөлөөт бөхийн ДАШТ: Ес дэх өдрийн медальтнууд

“Нур-Султан 2019” бөхийн төрлийн ДАШТ өндөрлөлөө. Өчигдөр эрэгтэйчүүдийн 61, 79, 86, 97 кг-ын жингийн аваргууд тодорлоо.

61 кг:

Идрисов ДАШТ-д анх удаа оролцоод түрүүлэх шахлаа. Шигшээ барилдаанд тэр дайрсаар байсан ч Бекаг барсангүй.

1, Бека Ломтадзе (Гүрж)

2, Магомедрасул Идрисов (ОХУ)

3, Рауль Авар (Энэтхэг), Бенам Эшанпур (Иран)

79 кг:

Кайл Дейк дэлхийн хошой аварга боллоо. Өнгөрсөн жилийн ДАШТ-ий финалд тэр мөн Гасановыг ялж байлаа. Кайл Дейк ирэх жил Токиогийн олимпод оролцох бодолтой байгаа. Харин 74 кг, 86 кг-ын алинд нь орох бол? Жордан Барроуз, Дэвид Тейлор хоёр түүнд суудлаа алдахгүйн төлөө тэмцэх нь ойлгомжтой.

1, Кайл Дейк (АНУ)

2, Жабраил Гасанов (Азербайжан)

3, Гажи Набиев (ОХУ), Таймураз Салказанов (Словак)

86 кг:

Энэтхэг бөх гэмтсэн тул Хасан хоёр дахь алтан медалиа барилдалгүй авсан. Энэ жинд Иран, Энэтхэг, ОХУ, Швейцарь, Колумб, Сан-Марино улс олимпын эрх авлаа.

1, Хасан Язданишариати (Иран)

2, Дипак Пуния (Энэтхэг)

3, Артур Найфонов (ОХУ), Стефан Рейхмут (Швейцарь)

97 кг:

Дагестаны хоёр бөх алтан медалийн төлөө барилдлаа. Бүр нэг тосгон, нэг дүүргийн бөхчүүд гэж байгаа. Өмнө нь Риогийн олимп, Европын АШТ-д хоёр таарч, хоёуланд нь Садулаев ялж байжээ. Түүний дэлхийн аваргын дөрөв дэх алтан медаль.

Энэ жинд ОХУ, Азербайжан, АНУ, Македон, Гүрж, Казахстан улс олимпын эрх авлаа.

1, Абдулрашид Садулаев (ОХУ)

2, Шариф Шарифов (Азербайжан)

3, Кайл Снайдер (АНУ), Магомедгаджи Нуров (Македон)