Сингапур явган хүний зам дээр скутерээр явахыг хориглолоо

Б.Болорсүх | Zindaa.mn
2019 оны 11 сарын 05

Сингапур хотын захиргаанаас гаргасан шийдвэрийн дагуу өнөөдрөөс /2019.11.05/ Сингапурт цахилгаан скутерээр явахыг хориглолоо.

Он гартал ямар нэгэн шийтгэл оноохгүй, зөвхөн сануулах юм байна. Харин 2020 оны нэгдүгээр сарын 01-нээс эхлэн энэ дүрмийг зөрчвөл 2000 сингапур доллароор торгох эсвэл гурван сар хүртэл хугацаагаар саатуулах юм байна.

Өнгөрсөн жил гаруй хугацаанд цахилгаан скутер хэрэглэснээс болж явган хүний зам дээр осол ихээр гарч, явган зорчигч гэмтэх тохиолдол нэмэгдэх болсонтой дээрх шийдвэр холбоотой аж. Дээрх шийдвэр цахилгаан унадаг дугуйнд үйлчлэхгүй юм. Гэхдээ ирэх жилийн эхний улиралд багтан цахилгаан скейт, цахилгаан ганц дугуйтыг хориглох шийдвэр хэрэгжиж эхэлнэ. Харин цахим худалдааны хуудас, хүргэлтийн компаниудад цахилгаан скутер зарах худалдаалах асуудлыг Сингапурын Худалдааны хороо хянах юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top