Санхүүгийн зохицуулах хорооны гишүүнд Т.Цэрэнбадралыг дэмжлээ

М.Хангал | Zindaa.mn
2019 оны 12 сарын 11

УИХ-ын Эдийн засгийн байнгын хорооны өнөөдрийн хуралдаанаар Санхүүгийн зохицуулах хорооны орон тооны гишүүний асуудлыг хэлэлцэн, Т.Цэрэнбадралыг томилохыг 66.7 хувийн саналаар дэмжлээ.

Байнгын хорооноос дэмжсэн саналыг УИХ-ын чуулганы нэгдсэн хуралдаанд танилцуулан хэлэлцүүлэх юм.

СЗХ-ны эрхзүйн байдлын тухай хуульд заасны дагуу Түдэвийн Цэрэнбадралыг СЗХ-ны орон тооны гишүүнээр нэр дэвшүүлснийг байнгын хорооны дарга Ж.Ганбаатар танилцуулсан ба тэрбээр чуулганы нэгдсэн хуралдаанд байнгын хорооны хуралдааны танилцуулгыг хийхээр боллоо.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top