УВС: Засаг дарга Д.Батсайхан 55 оюутанд тэтгэлэг гардууллаа

Автор | Zindaa.mn
2019 оны 12 сарын 20

Увс аймгаас Ховд аймагт суралцаж буй оюутан, сурагчдын нийгмийн баталгааг дэмжих, сурах идэвхийг дээшлүүлэх, амжилттай суралцах тэмүүлэл бий болгох, эрдэм шинжилгээ судалгаа, урлаг, спорт, олимпиадад үзүүлсэн амжилтыг нь үнэлэх, мөн зорилтот бүлгийн оюутнуудад дэмжлэг үзүүлэх, урамшуулах зорилгоор "ОЮУТНЫ ТЭТГЭЛЭГТ ХӨТӨЛБӨР"-ийг 2017 оноос хэрэгжүүлж эхэлсэн. Увс аймгийн Засаг дарга Д.Батсайхан болон холбогдох албаны хүмүүс Ховд аймагт суралцаж буй 30 оюутанд батламж, тэтгэлгийг нь гардууллаа. Уг тэтгэлгийн хүрээнд гурван жилийн хугацаанд 103 оюутанд 21 сая төгрөгийн тэтгэлэг олгосон нь оюутан залууст санхүүгийн болоод оюуны томоохон дэмжлэг болоод байна.

Мөн энэ жил анх удаа Увс аймгаас Говь-Алтай аймагт суралцаж буй 100 гаруй оюутнуудаас шилдэг 25 оюутанд тэтгэлэг олголоо. Энэхүү тэтгэлгийг гардуулснаар эмч, эх баригч, сувилагч, нийт эмнэлгийн мэргэжлээр суралцаж буй оюутнуудад цаашид сурах нөхцөлд нь үнэтэй хувь нэмэр оруулж буй юм. 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Oyu tan  (103.212.117.163)  2019 оны 12 сарын 24

Tsendsurrengiin ued whluulsen ajil shuu

0  |  0
Top