УВС: Завхан сумын хүүхдүүд ая тухтай орчинд сурч хөгжих боломж бүрдлээ

Увс аймгийн Завхан сумын сургуулийн дотуур байр нь 1990 онд 80 хүүхдийн хүчин чадалтайгаар ашиглалтад орж байсан бол малчдын хүүхдүүдийн орчин нөхцөл сайжруулахад дэмжлэг болгох, сургалтын таатай орчныг бүрдүүлэх зорилгоор Улсын төсвийн 200 сая төгрөгний хөрөнгө оруулалтаар “Эрдэнэ дэглий” ХХК-ний хийж гүйцэтгэсэн Завхан сумын сургуулийн гал тогооны байрны барилгын засварын ажлыг байнгын ашиглалтад орууллаа. Уг барилгын засвар ашиглалтад орсноор хүүхэд хүлээн авах хүчин чадлыг сайжруулж малчдын хүүхдүүд ая тухтай хооллох орчин бүрдэж байна.