"Алтан өд" наадмын хоёрдугаар шатны бүтээлүүдийг зарлалаа

Монголын Зохиолчдын эвлэлээс уламжлал болгон зохион байгуулдаг оны шилдэг бүтээл шалгаруулах “Алтан-Өд” наадмын хоёрдугаар шатанд шалгарсан бүтээлүүдийг зарлалаа.

2001 оноос эхлэн 19 дэх удаагаа болж байгаа энэхүү наадмын хоёрдугаар шатанд 29 бүтээлийг шалгаруулжээ.

"Алтан өд" наадам энэ жил яруу найраг, хүүрнэл зохиолын томоохон хэмжээний бүтээл, хүүрнэл зохиолын богино хэмжээний бүтээл, жүжиг, киноны зохиол, хүүхдийн зохиол, утга зохиолын судлал шүүмж, утга зохиолын орчуулга, баримтат болон зөгнөлт зохиол гэсэн найман төрлөөр шилдгүүдийг шалгаруулж байгаа юм.

Шилдгээр шалгарсан бүтээл “Алтан-өд” цомын эзэн болох бөгөөд шагнал гардуулах ёслол энэ сарын 27-нд Хүүхдийн урлан бүтээх төвд болно.