NBA-гийн тоглогчид 8, 24 дугаараа сольж эхэллээ

Алдарт сагсан бөмбөгч Коби Брайант энэ сарын 26-нд нисдэг тэрэгний ослоор нас барсан билээ.

Түүнийг амиа алдсаны дараа NBA-гийн 8, 24 дугаартай тоглодог сагсан бөмбөгчид Кобигийн дурсгалыг хүндэтгэн, дугаараа сольж эхэлжээ.
 

Коби Брайант 1996-2006 онд 8, 2006-2016 онд 24 дугаартай тоглож байв.

“Бруклин” багийн Спенсер Динуидди 8 дугаараа өөрчилсөн анхны тоглогч болсон. Спенсер 26 дугаартай тоглох бөгөөд Кобигийн 24 дээр охин Жижигийнх нь 2 дугаарыг нэмсэн байна.