Анжела Бейбигийн Уханьд өгсөн хандивыг голжээ

Хонконгийн дуучин, жүжигчин Анжела Бейби, түүний нөхөр Хятадын жүжигчин Хуан Сяо Мин нар коронавирустэй тэмцэж байгаа Ухань хотод хандив өргөсөн юм.

Хосууд 200 мянган юанийг Уханьд ажиллаж байгаа эмч, цэргийн албан хаагчдад маск авахад зориулан өгсөн аж.
 

Энэ мэдээ гарсны дараа цахим сүлжээгээр тэднийг хатуу шүүмжилж эхэлсэн байна. Зарим хүн тэднийг харамч гэж нэрлэн, 2015 онд АНУ-д 200 сая юанийн өртөгтэй хурим хийж байсныг нь сануулжээ.

Удалгүй буяны "China Siyuan” байгууллагаас Анжела Бейби, Хуан Сяо Мин нар нэмж, 800 мянган юань хандивласнаа мэдэгдсэн байна. Ийнхүү хосууд нийт нэг сая юанийн хандив өргөөд байна.