Оскар 2020 | “Холливудад нэг удаа” кино хоёр дахь “Оскар”-аа хүртлээ

Найруулагч, жүжигчин Квентин Тарантиногийн бүтээл “Холливудад нэг удаа” киноны туслах дүрээр Брэд Питт анхны “Оскар”-аа гардсан бол энэхүү бүтээл дахин нэг алтан баримлын эзэн боллоо.

Шилдэг зураач төрөлд “Холливудад нэг удаа” кино “Оскар” хүртлээ.

Кинонд 1969 оны үеийн үйл явдлыг өгүүлнэ. Жүжигчин Рик Далтон болон түүний орлон тоглогч Клифф Бут нарын тухай болон цуврал алуурчин Чарльз Мэнсоны гэр бүлтэй холбоотой үйл явдлыг харуулсан энэхүү бүтээлийн төгсгөлийг бага зэрэг өөрчилсөн гэж зарим хүн Квентин Тарантиног шүүмжилдэг. Бодит үйл явдлаар бол найруулагч Роман Поланскийн эхнэр, жүжигчин Шэрон Тэйт болон түүний гурван найз, хэвлийд байсан хүүхэд нь алуурчдын гарт амиа алдсан байдаг.

"Холливудад нэг удаа" кинонд Леонардо Ди Каприо, Брэд Питт, Марго Робби, Аль Пачино, Курт Рассел, Тимоти Олифант, Дакота Фаннинг, Люк Перри зэрэг алдартай жүжигчид дүр бүтээсэн.