Мария Шарапова “Оскар”-т найз залуутайгаа иржээ

32 настай теннисчин Мария Шарапова “Оскар”-т найз залуутайгаа хамт иржээ. Талбайн теннисний одын найз залуу нь 40 настай бизнесмен Александр Гилкес гэгч аж.

“Vanity Fair” сэтгүүлээс “Оскар”-ын шагнал гардуулах ёслолын дараа зохион байгуулдаг үдэшлэгт олон од цугладаг билээ. Шарапова үдэшлэгт зориулан “Valentino”-гийн неон өнгөтэй, ар нуруугаараа задгай даашинзыг сонгожээ. Тамирчин бүсгүйн үнэтэй гоёл нь ч олны анхаарлыг татаж байв.

Мария Шарапова, Их Британийн бизнесмен Александр нарын харилцаа 2018 онд ил болсон билээ. Александр нь Их Британийн ханхүү Уильям, Харри нартай дотно нөхөрлөдөг аж.