Орон нутгийн замд хоёр мотоцикл онхолдож, жолооч нарын амь нас хохирчээ
(26).jpg)
2020.03.09-өөс 13-ны өдрүүдэд Тээврийн цагдаагийн албаны Жижүүрийн шуурхай удирдлагын хэлтэс нийт 588 дуудлага мэдээлэл хүлээн авснаас 418 нь зам тээврийн ослын шинжтэй дуудлага мэдээлэл бүртгэгдсэн байна.
Бүртгэгдсэн зам тээврийн ослын улмаас 7 хүн гэмтсэний 2 хүүхэд байжээ.
Ноцтой зам тээврийн ослын улмаас орон нутагт 3 хүний амь нас хохирсон бөгөөд 1 хүүхэд байв.
Нийт хүн бэртсэн, амь нас хохирсон ослыг хэлбэрээр нь авч үзвэл
- Явган зорчигч мөргөх хэлбэрээр -3
- Мөргөлдөх-2
- Үл хөдлөх зүйл мөргөх хэлбэрээр-1
- Онхолдох хэлбэрээр-3 тус тус бүртгэгдсэн байна.
Ноцтой зам тээврийн ослоос дурдвал:
- 2020.03.09-ний өдрийн 17:29 цагийн орчим Дундговь аймгийн Дэлгэрцогт сум “Хээрийн шанд” гэх газар асфальтан замд “Toyota Prius-10” маркийн М жолоочтой автомашин онхолдож, зорчигч 5 настай эмэгтэй Б-гийн амь насыг хохироосон.
- 2020.03.09-ний өдрийн 14:00 цагийн орчим Дорноговь аймгийн Сайхандулаан сумын 4-р багийн нутаг дэвсгэр шороон замд улсын дугааргүй “Dayun” маркийн мотоцикл онхолдож, жолооч 37 настай эрэгтэй Б-гийн амь нас хохирсон.
- 2020.03.12-ны өдөр Баянхонгор аймгийн Жинст сумын 3-р багийн нутаг “Өвөр хоолой” гэх газар шороон замд улсын дугааргүй “Mustang-5” маркийн мотоцикл онхолдож, жолооч 30 настай эрэгтэй Б-гийн амь нас хохирсон хэргүүдийг тус тус шалгаж байна.
Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 59 жолоочийг илрүүлж, эрхгүй үедээ согтуугаар тээврийн хэрэгсэл жолоодсон 16 хүнийг шүүхээр баривчилж хуулийн дагуу хариуцлага тооцсон байна.
Согтуугаар тээврийн хэрэгсэл жолоодож зам тээврийн осол гаргасан 4 зөрчил бүртгэгдсэн.
Энэ 7 хоногт бүртгэгдсэн зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл 5 хувиар, бүртгэгдсэн зам тээврийн осол 16,0 хувиар, гэмтсэн хүн 22,2 хувиар тус тус буурч, зам тээврийн ослын улмаас хүний амь нас хохирсон осол, хэрэг 33,4 хувиар өссөн үзүүлэлттэй байна.
Нийт замын хөдөлгөөнд оролцогч та бүхэн орон нутгийн замд зорчихдоо тээврийн хэрэгслийн хурдыг тохируулж, техникийн бүрэн бүтэн байдлыг хангаж хөдөлгөөнд оролцох, өвлийн улиралд мотоциклтой хөдөлгөөнд оролцохгүй байх, баталгаатай зам харгуйгаар замын хөдөлгөөний дүрмээ чанд баримтлан хөдөлгөөнд оролцохыг ТЭЭВРИЙН ЦАГДААГИЙН АЛБАНААС анхааруулж байна.
Холбоотой мэдээ
Сэтгэгдэл ( 1 )
ENE MOTOTSIKLNI JOLOONI KURS GEJ BAINA UU??,TER BARUUNI ORONUUDAD EHELEED ZUVHUN 50 CM CUBTEI 2 IYET SHATALT CYCLOMOTORT HURTEL DUREMIIN JOLOONI SHALGALT AVDAG GEHDEE 50 CC DEESH MOTO BARIJ BOLDOGGUI,TEGEED 125 CM CUBE 4 UYET SHATALTTAI BOLOOD IREHEER TUSDAA UUR MOTOCYCLIIN KURSTEI GEHDEE ZUVHUN 125 BARIH ERHTEI,DARAA NI TOM CHADALIN MOTORTOI MOTO BARIH HUMUUSED MASHIN BARIH SHALGALTTAI ENE TENTSEH SHALGALT DADLAGIN SHALGALTUUD AVDAG YUM BILEE KURSIIN UNE NI CH IH UNDUR MASH UNDUR CHADVAR SHAARDDAG MUN DUREM DADLAG BOLGON TUSDAA UNETEI BAIDAG YUM.ZA TEGEED OLON ULSAD ZUVSHUURUGDSUN CASC ZAAVA