Улаанбаатар-Дорноговь чиглэлийн галт тэрэгний хөдөлгөөнийг ТҮР ЗОГСООЛОО

Өчигдөр буюу зургаадугаар сарын 21-нд Төв, Говьсүмбэр аймгийн зааг Баян, Баянтал сумын нутгаар 17:15-18:00 цагийн хооронд орсон аадар борооны улмаас үер буужээ.

Улмаар Агуйт, Наран-Элгэн зөрлөг орчим 572-592 дугаар км-т төмөр зам үерийн усанд угаагдаж, галт тэрэг явах боломжгүй болсон байна.

Тиймээс энэ чиглэлийн галт тэрэгний хөдөлгөөнийг тодорхойгүй хугацаанд хаагаад байна. Засварын бригадууд үзлэг шалгалт хийн,  сэргээн засах ажил хийгдэж байгаа аж.