ОЛОН ӨНГӨ: Бэртэгчин

Монгол хүний тодорхойлолт юу вэ гэвэл шууд бэртэгчин гэдэг ганц үг тохирсон хариулт байж мэднэ. Бусад нь хөх толботой, цагаан цайлган, тэнгэр заяат гэх мэтээр өөрсдийгөө тодорхойлж болох юм. Гэхдээ бидний өдөр тутамдаа хийж буй үйлдэл, ой тойрондоо гаргаж буй зан ааш өөрсдөдөө өгдөг гоё сайхан тодорхойлолтуудаас хол зөрдөг. Зөрөх ч багадана. Тэс эсрэгээрээ хэт амиа бодсон, хувиа хичээмтгий бэртэгчин зан л өнөөгийн биднээс ихэнхдээ цухалздаг. Жишээлбэл, дэлгүүрийн гадна цэлийсэн том зогсоол байхад, автомашинаа заавал хаалганд нь тулгаж тавин өөртөө болон өрөөлд дараа болдог хүнийг монгол хүн гэнэ.

Дэлгүүрт ороод дугаарлахаас зайлсхийн дахиад л чирэгдэл үүсгэдэг хүнийг монгол хүн гэнэ. Хоёр хүн зэрэг үйлчлүүлэх боломжтой газрыг ганцаараа эзэгзэхийг монгол хүн л чадна. 3-4 хүн зэрэг үйлчилгээ үзүүлэх боломжтой боловч бусад нь зүгээр зогсож, нөгөө нь хөлсөө урсгах нь зөвхөн монгол хүний зан чанар байх. Ер нь ганц дэлгүүрээр ороод гарахад л монгол хүний талаар ийм дүгнэлттэй үлддэг. Түүнээс цаашаа бол бүр ярьж, бичихээс ичмээр.