Этиопт 5-10 сая жилийн дараа шинэ далай бий болж магадгүй

Я.Болор | Zindaa.mn
2020 оны 07 сарын 20

 

Этиопын зүүн хойд бүс дэх Афар цөлийн нутагт тектоник хагарал үүссэний улмаас Африк тив хуваагдаж болзошгүй бөгөөд ингэснээр 5-10 сая жилийн дараа шинэ далай бий болоход хүргэнэ гэж АНУ, Их Британийн эрдэмтэд таамаглаж байна.

Лидсийн их сургуулийн судлаач Кристофер Мурын хэлснээр, гурван тектоник хавтангийн уулзвар дээр байрласан бүс цуурч эхэлсний улмаас 2005 онд 56 км урт хагарал үүссэн байна. Этиопын цөлд гарч буй өөрчлөлтийг хиймэл дагуулуудын радарын мэдээлэлд дүн шинжилгээ хийх замаар хянаж байгаа аж. Афар цөл нь эх газрын хагарал далайн ёроолын хагарал болж буйг судалж болох дэлхий дээрх цорын ганц газар юм гэж Мур онцолжээ.

АНУ-ын Шинэ Орлеан дахь Тулейний их сургуулийн геофизикч Синтиа Эбингер тектоник үйл явцыг дээш өргөгдөж буй магмын даралт нэмэгдэж буйтай холбон тайлбарлажээ. Газрын хагарал үүссэний дараа Адены булан, Улаан тэнгисийн ус Афар цөл болон Зүүн Африкийн хагарлын бүсийг усанд автуулж, шинэ далай үүсгэнэ гэж эрдэмтэд үзэж байна.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Su ah (202.179.27.87)  2020 оны 07 сарын 20

Мануус яаж 5-10 сая жил хүлээх вэ дээ аан?

0  |  0
bi (194.230.146.178)  2020 оны 07 сарын 20

5-10 saya jilion daraa boloc yumiig onoodor medej bdag,guiee mon mundag xumuus yumaa te. kkkkk

0  |  0
Top