Леброн Жеймс: Хар арьст америкчууд айж байна

АНУ-ын Висконсин мужийн Кеноша хотод цагдаа нар хар арьст эрэгтэйг хүүхдийнх нь нүдэн дээр олон удаа буудсан хэрэг гарч, дахин эсэргүүцлийн хөдөлгөөн өрнөөд байна.

Лейкерс багийн тоглогч Леброн Жеймс энэ талаар “Үнэнийг хэлэхэд энэ бол аймшигтай явдал. Бид, хар арьст америкчууд айж байна. Гэрээ гарахдаа бид өдөр хэрхэн дуусахыг мэдэхгүй байна. Хэрэв та цагдаа нар түүнийг буудалгүй номхруулж чадахгүй байсан гэж хэлбэл худлаа шүү. Та зөвхөн надад биш бүх хар арьстанд худлаа ярьж байна гэсэн үг. Ийм явдал дараалан гарч байна. Галт зэвсэг бол АНУ-ын хамгийн том асуудал. Бууг зөвхөн ан хийхэд ашиглахгүй байгаа. Хар арьстнуудыг агнаж байгаа мэт бидэнд санагдаж байна” гэж мэдэгджээ.

Буудуулсан Жейкоб Блейк одоо эмнэлгийн сэхээн амьдруулах тасагт эмчлүүлж байна.