Коронавирустэй өвчтөнүүдийг эмчилж байсан эмнэлэг дэлбэрчээ

ОХУ-ын Уралын нуруунд орших Челябинск хотод коронавирустэй өвчтөнүүдийг эмчилж байсан эмнэлэг дэлбэрчээ.

Уг эмнэлэгт хүчил төрөгч хадгалж байсан агуулахад хадгалалтын горим алдагдсаны улмаар дэлбэрсэн байна.

Эмнэлэгт ойролцоогоор 170 орчим өвчин эмчлүүлж байсаны 150 нь коронавирустэй, үлдсэн нь тусгаарлалтад байсан аж.

Дэлбэрэлтийн улмаас өвчтөнүүд бэртэж гэмтээгүй бөгөөд бүгдийг аварсан байна. Дэлбэрэлтийн улмаас ойролцоо орших орон сууцны хэд, хэдэн барилгын цонх хагарчээ.

Эх сурвалж: RT