Уиткофф: ОХУ, АНУ, Украины хэлэлцээ энэ сарын 10-11-нд болно
.jpg)
ОХУ, АНУ, Украины гурван талт яриа хэлэлцээ ажлын хэсгүүдийн түвшинд Абу Даби хотноо энэ сарын 10-11-нд болно гэж АНУ-ын Ерөнхийлөгчийн тусгай төлөөлөгч Стив Уиткофф мэдэгджээ.
Гурван талт хэлэлцээнд АНУ зуучлагчийн үүрэгтэй оролцоно. Яриа хэлэлцээ дайны дараах аюулгүй байдал, хүмүүнлэгийн санаачилгууд болон энх тайвныг тогтоох дараагийн алхмуудад төвлөрнө. АНУ-ыг Стив Уиткофф, Трампын хүргэн Жаред Кушнер нар төлөөлнө.
Яриа хэлэлцээнээс өмнө АНУ энэ долоо хоногт Европын холбоотон орнуудтай Брюссель хотноо уулзалт зохион байгуулж, Украины аюулгүй байдалд баталгаа олгох асуудлыг хэлэлцэхээр төлөвлөж байна. Уулзалтад Франц, Герман, Их Британи, Европын Холбоо, НАТО-ийн төлөөлөгчид оролцож, дайны дараах Европын аюулгүй байдлын архитектур, Украины сэргээн босголтод туслалцаа үзүүлэх эдийн засгийн боломжуудыг хэлэлцэнэ.
Абу Даби хотноо болох гурван талт яриа хэлэлцээ нь Киев, Осло болон Санкт-Петербург хотуудад болсон өмнөх уулзалтуудын үр дүнг ахиулах, иж бүрэн энхийн хэлэлцээр байгуулах боломжийг нээнэ гэж Уиткофф найдаж байна.
Сэтгэгдэл ( 0 )