Эрдэмтэд коронавирустэй тэмцэх үр дүнтэй бодис гаргаж авчээ

Я.Болор | Zindaa.mn
2020 оны 11 сарын 11

АНУ-ын Питтсбургийн их сургуулийн Анагаах ухааны сургуулийн мэргэжилтнүүд лам гөрөөсний биеэс коронавирусний эсрэг өндөр үйлчилгээтэй эсрэг биет гаргаж авчээ.

“Science” сэтгүүлд бичсэнээр, судлаачид лам гөрөөсөнд SARS-CoV-2 вирусний уургийг тарьж, хариу үйлдлийг нь судалсан байна. Лам гөрөөсийг коронавирусээр халдварлуулснаас хойш хоёр сарын дараа түүний дархлааны тогтолцоо SARS-CoV-2 эсрэг бүрэн гүйцэд боловсорсон нано биет үүсгэжээ. Улмаар эрдэмтэд SARS-CoV-2 коронавирусний эсрэг хамгийн хүчтэй хариу үйлдэл үзүүлж буй нано биетийг олж тодорхойлсон байна.

Лам гөрөөсний нано биет гэгдэж буй эсрэг биет хүнийхээс харьцангуй жижиг ч коронавирусийг илүү үр дүнтэй устгадаг болох нь тогтоогджээ. Түүнээс гадна нано биет нь илүү тогтвортой гэнэ. Тиймээс цаашид лам гөрөөсний нано биетийг ашиглан КОВИД-19-ийг эмчлэх эм бэлдмэл гаргаж авах боломжтой гэнэ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
түвдэн (202.9.40.108)  2020 оны 11 сарын 11

Манай тэмээн дээр үзээд. Лам гөрөөс тэмээ хоёр нэг гаралтай гэсэн биз дээ

0  |  0
Top