ДЭМБ ковидын халдвар эрчимтэй өсөж буйг анхааруулжээ

Дэлхийн эрүүл мэндийн байгууллагын тэргүүн Тедрос Аданом Гебрейесус дэлхийн олон оронд сүүлийн хэдэн долоо хоногт ковидын тархалт эрчимжиж буйг анхааруулаад амны хаалт зүүх, вакцин хийлгэхийг уриалжээ.

Коронaвирусээс үүдэлтэй амьсгалын замын халдварт өвчин, томуу нэмэгдэж буйг мэдэгдээд халдвар цаашид ч үргэлжлэхийг сэрэмжлүүлсэн байна. Тиймээс ДЭМБ-ын тэргүүн ковидын шинжилгээ өгч, шинж тэмдэг илэрсэн тохиолдолд эмнэлэгт хандахыг зөвлөсөн байна. Амны хаалт зүүж, өрөө тасалгааг сайтар агааржуулах, хүн хоорондын зайг баримтлахыг уриалжээ.