ЗАСГИЙН ГАЗАР: Аймгийн Засаг дарга нарт үүрэг, чиглэл өглөө
Шадар сайд, Улсын Онцгой Комиссын дарга Я.Содбаатар, ЗГХЭГ-ын дарга Л.Оюун-Эрдэнэ нар аймгийн Засаг дарга нартай цахим шуурхай хийлээ.
Цаг үеийн мэдээлэл сонсож, зарим үүрэг даалгаврыг өглөө.
Баян-Өлгий аймагт гамшгийн үеийн бэлэн байдлыг хангах хүрээнд КОВИД19-ийн халдварт цар тахлын түргэвчилсэн оношлуур, эм, эмнэлгийн хамгаалах хувцас хэрэглэлийн нөөц бүрдүүлэх шаардлага буйг хэлж, УОК-оос дэмжлэг хүслээ. Өмнөговь, Дорнод, Дорноговь зэрэг хилийн боомтууд бүхий аймаг орон нутгийн удирдлагуудад халдвар хамгааллын дэглэмийг холбогдох газруудад онцгой анхаарч сахин ажиллахыг санууллаа.
Гамшгаас хамгаалах Бүх нийтийн бэлэн байдалд хуулийн хүрээнд иргэдийн эрх ашгийг ханган, сахилга бат, хариуцлагыг чанд мөрдөн ажиллахыг аймгийн удирдлагуудад үүрэг болгож дараах чиглэлээр даалгавар өгөв.
- Засгийн газрын Бүх нийтийн бэлэн байдлын зэрэгт шилжүүлсэн хугацааг 14 хоногоор сунгасан 181 дүгээр тогтоолын дагуу УОК-ын даргын нэгдсэн удирдлага дор нэг удирдлагаар ажиллах
- Мэдээллийг нэг урсгалаар олон нийтэд өгөх, халдварт цар тахалтай холбоотой аливаа сэжигтэй тохиолдлыг ХӨСҮТ-ээс бүрэн шинжилж, ЭМЯ-аас мэдээлсний дараа олон нийтэд нотлон мэдээлэх
- Отор нүүдлээр явж буй малчдаа байнгын мэдээллээр ханган, аюулгүй байдал, эрүүл мэндэд нь анхаарч, нутаг заан хязгаарлалт тогтоохгүй байх
- Орон нутгийн сонгуулийн дараах сум, орон нутгийн засаг дарга нарын томилгоог хуулийн хүрээнд ЗГХЭГ-тай уялдаа холбоотой ажиллаж, түргэн шийдвэрлэж дуусгах
- Ажилтан албан хаагчдыг ажлаас халж, чөлөөлөх хөдөлгөөн хийхгүй байх
- ЦУОШГ-аас гаргасан цаг агаарын төлөв байдлын мэдээллийг сайтар авч, ард иргэд, малчдад сэрэмжлүүлэг хүргэж, цаг агаарын аюултай үзэгдлээс үүсэх гамшгаас урьдчилан сэргийлэх
- Бүх нийтийн бэлэн байдлын зэрэгт шилжсэнтэй холбогдуулан үүрэг гүйцэтгэн ажиллаж байгаа алба хаагчдын ажиллах нөхцөл, аюулгүй байдал, хамгаалах, хувцас хэрэглэлийн хангалтыг бүрэн хийх
- Хот хоорондын зорчих урсгалд хяналт тавьж, хүнсний хангамжийг тасалдуулахгүйгээр хүнс, махны тээвэрлэлтэд дэмжлэг үзүүлж ажиллахыг тус тус үүрэг болголоо.
Холбоотой мэдээ
Сэтгэгдэл ( 2 )
oron nutgaas irsen ard irgedee ywuulaachee ar ger xetsvvdlee ar ger vr xvvxed mal axui buynii ajilaar ired bushuuxan butsmaar bn
Монгол улсад вакциныг эхний ээлжинд эмч, эмнэлгийн ажилтнууд, ахмад настан, хүүхдүүдэд эхний ээлжинд хийх бөгөөд дараа нь төрийн байгууллага, үйлчилгээний хүмүүст хийнэ. Дараа нь хувийн хэшлийнхэнд г.м. Харин вакцинд хамрагдахгүй хүмүүс гэвэл ял эдэлж байгаа хүмүүсээс гадна сонгуульд оролцоогүй иргэний үүргээ биелүүлдэггүй хүмүүс байх боллтой. Харин байгалын сайханд хэнээс ч хамааралгүй амьдардаг цаатан, малчин хүмүүст өөрсдийнх нь саналаар шийдэх юм гэнэ лээ шүү.