Оюу толгойн сонсголыг АН-ын бүлгийн дарга Б.Энхмөнх түр СААТУУЛАВ

Улсын Их Хурал дахь Ардчилсан намын бүлэг өнөөдөр (2025.12.08) эхэлж буй Оюу толгойн асуудлаарх нотлох баримтыг шинжлэн судлах сонсголыг түр хугацаанд саатууллаа. 

АН-ын бүлгийн хуралдааныг "Их засаг" танхимд, Оюутолгойн сонсголыг "Их Эзэн Чингис хаан" танхимд товлосон байсан. Гэтэл АН-ын бүлгийн ажлын албаны дарга "Их Эзэн Чингис хаан" танхимд бүлгийн хуралдаанаа хийх ёстой, танхим давхацсан байна гэх маргаан үүсгэж сонсголыг түр хугацаанд саатуулсан байна. 

Хянан шалгах түр хорооноос нотлох баримтыг шинжлэн судлах сонсголыг 2025 оны 12 дугаар сарын 08-12-ны өдрүүдэд Төрийн ордны “Их Эзэн Чингис хаан” танхимд зохион байгуулна. Нотлох баримтыг шинжлэн судлах энэ удаагийн нээлттэй сонсголд нийтдээ 300 гэрчийг оролцуулахаар Хянан шалгах түр хороо шийдвэрлэжээ.