Халдвар авсан иргэний хүүхдүүдийг байранд нь оруулахгүй гадуурхжээ
Халдвар авсан иргэний ар гэр тусгаарлалтын хугацаагаа дуусган, өнөөдөр гарсан ч амьдардаг байрных нь оршин суугчид, СӨХ-ийн дарга нь оруулахгүй, хөөж, чичилсэн асуудлаар иргэнээс ирсэн гомдлын дагуу ТВ8 телевизийн "Толь" мэдээллийн хөтөлбөр сурвалжилжээ.
Арваннэгдүгээр сарын 09-ний өдөр иргэн Х ажлынхантайгаа "Говь гурван сайхан" караокед үйлчлүүлжээ. Энэ нь халдвартай ачаа тээврийн жолоочийн ойрын хавьтлын хүний үйлчлүүлсэн газар бөгөөд үүнээс улбаатай халдварын тохиолдол олноор гарсан.
Иргэн Х үйлчлүүлсэн өдрөөсөө хойш гурав хоногийн дараагаар халуурч, толгой нь өвдөн, халдвар авсан шинж тэмдгүүд илэрч эхэлсэн байна. Ингээд эмнэлгийн байгууллагад хандахад халдвартай буюу эерэг гарчээ. Тэрбээр гурван хүүхдийн хамт байрны подволд амьдардаг байсан.
Холбоотой мэдээ
