Д.Батзориг: 90%-иас дээш гүйцэтгэлтэй барилгын ажлыг эхлүүлэх нь чухал

З.Тэмлүүн | Zindaa.mn
2020 оны 12 сарын 04

Улсын төсвийн хөрөнгөөр 2020 онд санхүүжих 691 төсөл арга хэмжээний 546,3 тэрбум төгрөг батлагдсан бол 2021 оны төсвийн тухай хуульд 824 төсөл арга хэмжээний 850,8 тэрбум төгрөгийн бүтээн байгуулалтын ажил хийгдэхээр тусгагджээ. Гэвч тус 824 төсөл арга хэмжээний 516 буюу 63% нь он дамжин санхүүжих төсөл байна. Эндээс харахад, 2020 онд 691 шинээр тусгагдсан бол 2021 онд 308 төсөл арга хэмжээ шинээр тусгагдаж бүтээн байгуулалтын ажлын улсын төсвийн хөрөнгө оруулалт буурсан үзүүлэлттэй харагдаж байна. Барилгын салбарынхны хэвийн үйл ажиллагааг хангахад яамны зүгээр ямар арга хэмжээ авч байгаа талаар Барилга, хот байгуулалтын яамны ББМҮБХЗГ-ын Барилгын материал үйлдвэрлэлийн хэлтсийн дарга Д.Батзориг дараах мэдээллийг өглөө. 


Барилгын материал үйлдвэрлэлийн хэлтсийн дарга Д.БАТЗОРИГ:

-Барилгын салбарт өнөөдрийн байдлаар Барилга угсралтын-5045, Барилга байгууламжийн зураг төсөл боловсруулах-724, Өргөх байгууламж, түүний эд ангийн үйлвэрлэл, угсралт, засвар үйлчилгээ эрхлэх-182, Барилгын материалын үйлдвэрлэлийн-532 аж ахуйн нэгж буюу ТЗ-тэй 6483 аж ахуйн нэгж, байгаагаас нийт 73,700 ажилчид ажиллаж байна. Улсын төсвийн хөрөнгөөр хийгдэж буй бүтээн байгуулалтын ажлууд багассанаар нөгөө талаасаа дотоодын барилгын материалын үйлдвэрлэл хумигдах, царцах, барилгын салбарт ажиллаж буй ажилчдын нийгмийн асуудалд хүндрэх гэх мэт олон сөрөг нөлөөлөл бий болох магадлалтай байна.

Дэлхий нийтэд тархаад буй COVID-19 цар тахлаас шалтгаалан бүх нийтийн бэлэн байдлын зэрэгт шилжсэнтэй холбогдуулан бүтээн байгуулалтуудын ажлаас “Модон эдлэл, барилгын хийц, материалын үйлдвэрийн үйл ажиллагаа”-г 2020 оны арванхоёрдугаар сарын 1-ны өдрөөс эхлэн үйлдвэрлэлийг нээх болсноор 21 аймгийн хэмжээнд 56 үйлдвэрийн 1232 ажилтан, Улаанбаатарт 44 үйлдвэрийн 993 ажилтан буюу 100 үйлдвэрийн 2225 ажилтан албан хаагчид ажиллаж эхэллээ.

Мөн бүтээн байгуулалтын ажил Олон улсад тархаад буй COVID-19 цар тахлаас шалтгаалан зогссоноор дулааны улиралд хийх шаардлагатай ажлуудыг хийж чадаагүй, барилгыг хамгаалалтын горимд оруулж чадаагүй, гүйцэтгэлээ авч чадаагүй, гэх мэт олон асуудлууд ААНБ-уудад тулгараад байна.

Барилга, хот байгуулалтын яамнаас холбогдох судалгааг хийхэд Улсын төсвийн болон хувийн хөрөнгө оруулалтаар баригдаж дууссан бөгөөд комисс ажлуулж амжаагүй аймгуудын хэмжээнд 127, Улаанбаатар хотод 146, нийт 273 барилга байгууламж байсан.

Энэхүү 273 барилга байгууламжийг COVID-19 цар тахлын үед комиссын үйл ажиллагааг хэрхэн зохион байгуулах талаар зөвлөмжийг Барилга, хот байгуулалтын сайдын 2020.12.01-ны өдрийн 229 дүгээр тушаалаар батлуулж, аймаг, нийслэлийн Засаг дарга нарт хүргүүлэээд байна. Ингэснээр нийт 273 аж ахуйн нэгж байгууллагын 5000 орчим ажилтан албан хаагчид цалин хангамжаа авах боломж бүрдэж байна гэж үзэж байна.

Цаашид бүтээн байгуулалтын ажлыг цар тахлын үед хэрхэн зохион байгуулах талаар тус яамнаас шаардлагатай судалгаануудыг хийж, барилгын талбайд мөрдөх зөвлөмж, аргачлалуудыг боловсруулаад байна. Мөн 90 хувиас дээш гүйцэтгэлтэй барилгын ажлуудыг эхлүүлэх, хамгаалалтын горм тогтоох шаардлагатай байгууллагуудын үйл ажиллагааг гүйцэтгүүлэх, Барилгын материалын худалдаа, тээвэрлэлтийг саадгүй явуулах шаардлагатай байна. Ингэснээр цаашид барилгын салбарт хийгдэх бүтээн байгуулалтын төсөв, хөрөнгө оруулалтыг багасгахгүйгээр, гүйцэтгэх боломжтой байна гэж үзэж байна.

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin(202.126.89.231) 2020 оны 12 сарын 04

Zov baikhaa. Buteen baiguulalt n salbar g zogsooj bolohgui. Bairluulaad ajilsan ch bolno.

0  |  0
Zochin(202.126.89.231) 2020 оны 12 сарын 04

Zov baikhaa. Buteen baiguulalt n salbar g zogsooj bolohgui. Bairluulaad ajilsan ch bolno.

0  |  0
Muu(67.170.22.248) 2020 оны 12 сарын 04

Pizdaa zindaa yagaad sergegdel bichuulehee bolichiv. Manangiin gulugnuud. Kkk

0  |  0
Muu(67.170.22.248) 2020 оны 12 сарын 04

Pizdaa zindaa yagaad sergegdel bichuulehee bolichiv. Manangiin gulugnuud. Kkk

0  |  0
иргэн(202.179.27.138) 2020 оны 12 сарын 04

энэ Хөл хорионы үед манай Тэнэгүүд шиг БАРИЛГА БАЙШИН Чингисийн музей яриад сууж байх Улс орон Дарга цэрэг Улс төрчид хаа ч байхгүй шүү Тэд өнөөдөр Иргэдийнхээ Эрүүл мэндийг хамгаалах тал дээр Санаа тавьж Анхаарч байна шүү дээ, Малаа

0  |  0
Top