Хятад улс 2020 онд 220 тэрбум маск гадаадад борлуулжээ

Цар тахлын өнөө цаг үед хүмүүсийн өдөр тутмын хамгаалалалтын хэрэгсэл нь амны хаалт болоод байгаа. Коронавирусний халдвар дэлгэрсэн өнгөрсөн жилийн өвөл, хавар амны хаалтны хомсдол дэлхий даяар үүсэхэд л амны хаалтны ихэнх хувийг Хятадад үйлдвэрлэдэг байсныг дэлхий мэдсэн юм.

БНХАУ-ын Худалдааны яамны дэд сайд Цянь Кэмин “Өнгөрсөн жил Хятад улс 220 тэрбум амны хаалт гадаадад экспортолсон. Дэлхийн 200 гаруй улс, бүс нутаг худалдан авсан. Мөн 1 тэрбум шинжилгээний аппарат худалдаалсан байна. Манай улс цар тахлын эсрэг ариутгалын хэрэгсэл нийлүүлдэг хамгийн том орон” гэж мэдэгдсэн байна.

Өнгөрсөн 2020 онд Хятад улсын эдийн засаг уналттай байсан ч нийт дүнгээр 2,3% өссөн. Харин энэ хугацаанд АНУ-ын ДНБ 3,5%, ОХУ-ын ДНБ 4% буурсан ажээ.