Ойрд-Халимагийн чуулганыг зохион байгуулагчдыг баривчиллаа

Энэ сарын 29-нд Элист хотод Ойрд-Халимагийн ард түмний чуулган зохион байгуулагдлаа.

Тус чуулганаас:

1. Засгийн газар нуун дарагдуулж байгаа ч Халимаг БНУ, ойрд, халимаг ард түмэн маш хүнд нөхцөлд ороод байна.

2. Халимаг БНУ, ард түмэн үлдэх эсэх нь ч эргэлзээтэй болоод байгаа.

3. Халимаг улс хөгжин дэвших ямар ч боломж байхгүй. Төрийн систем, бүх байгууллага ялзарсан.

4. Халимаг хүмүүсийн эрхийг олон жил зөрчиж, ялгаварлан гадуурхаж ирсэн.

5. Чуулганы Удирдах зөвлөлийг сонгох. Төрийн Думд нэр дэвшигчийг сонгох зэрэг асуудлыг хөнджээ.

Чуулганд нийт 200 төлөөлөгч оролцсон бөгөөд Москва, Монголоос ч халимаг иргэд ирж оролцсон байна.

Харин хуралдааны дараа “Манай Халимаг” хөдөлгөөний тэргүүн Санал Убушиев, “Орчин үеийн Халимаг” хэвлэлийн редактор Валерий Бадмаев нарыг чуулган зохион байгуулсан хэргээр цагдаа нар баривчилжээ.