Буриадад “Ковид такси” өвчтөнийг эмнэлэгт хүргэж байна

Сүүлийн үед Буриадад ковидийн халдварын тоо эрс нэмэгдэж байна. Тиймээс Засгийн газраас “Ковид такси”-г дахин ажиллуулахаар шийджээ.

Халдвар авсан хүмүүс энэ сарын 10-наас эхлэн бусдад халдвар тараах эрсдэлгүйгээр, үнэ төлбөргүй эмнэлэгт очиж чадах боллоо. Гэхдээ өвчтөн өөрөө такси дуудаж чадахгүй. Эмнэлгийн байгууллагаас Вайбер группээр дамжуулан гэрт нь такси илгээнэ. Халдвар авсан хүн эмчийн үзлэгт ороод эмнэлэгт хэвтэх шаардлагагүй бол такси гэрт нь эргүүлэн аваачих юм.

Гарах зардлыг улсаас дааж байна.