ДЭМБ нэг төрлийн вакцины хоёр тунг хийлгэхийг зөвлөв

Дэлхийн эрүүл мэндийн байгууллага коронавируссний эсрэг нэг төрлийн вакцины хоёр тунг хийлгэхийг зөвлөжээ. Учир нь хоёр өөр төрлийн вакцин хийлгэсний үр дагаврыг одоогоор судлаагүй байна гэж ДЭМБ-ын дархлаажуулалтын хэлтсийн дарга Кэйт О'Брайен мэдэгджээ.

Түүний хэлснээр, эхний тундаа “AstraZeneca” вакцин хийлгэсний дараа “Pfizer” вакциныг хийлгэх боломжтой гэх зөвхөн мэдээлэл бий. Вакциныг хольж хэрэглэсний дараа дархлааны хариу урвал хэр удаан тогтдог, аюулгүй эсэх нь одоогоор тодорхойгүй байна. Судалгааны ажлууд үргэлжилж байгаа бөгөөд ойрын саруудад үр дүн нь гарна гэсэн хүлээлттэй байна. Тиймээс одоогийн нөхцөлд  ДЭМБ дархлаажуулалтын хоёр тунгаа нэг төрлийн вакцинаар хийлгэх нь зөв гэж үзэж байна гэж О'Брайен онцолжээ.

Харин вакцины дараах хамгаалалт хэр удаан үргэлжлэх тухай тэрбээр судалгаа хийж байна гэсэн хариултаас илүү тодорхой зүйл хэлээгүй байна. Коронавирусний эсрэг вакцин зөвхөн нэг жил орчмын өмнө гарсан тул эсрэг биет хэр удаан хадгалагддагийг мэдэх, хянахын тулд цаг хугацаа шаардагдана гэж тэрбээр тодруулжээ.