Симон Байлсыг хувиа хичээгч гэж хатуу шүүмжлэв

Их Британийн нэрт сэтгүүлч, хөтлөгч Пирс Морган сэтгэл зүйн эрүүл мэндийн шалтгаанаар олимпын баг болон ганцаарчилсан тэмцээнд оролцохоос татгалзсан олимпын дөрвөн удаагийн аварга, АНУ-ын гимнастикч Симон Байлсыг хатуу шүүмжилжээ.

Тэрбээр “АНУ-ын багийн ахлагч багийнхаа болон түүний үзүүлбэрийг үзэхээр цэнхэр дэлгэцийн өмнө суугаа олон сая хөгжөөн дэмжигчдийнхээ итгэлийг хөсөрдүүлсэн” гэж “Daily Mail”-д бичжээ.

Байлс сэтгэл зүйн эрүүл мэндээр шалтаглаж байгаа нь үр дүн гаргаагүйг зөвтгөх аргагүй.

Морган Байлст хандан “Симон, чи зөвхөн өөрийнхөө төлөө олимпод өрсөлдөөгүй. Чи бол АНУ-ын багийн нэг хэсэг. Чи олон сая үзэгчдийн төдийгүй чамайг дэмжихийн төлөө бүхнийг хийсэн ивээн тэтгэгчдийнхээ төлөө оролцож байгаа. Олимпын наадам тоглоом, зугаа биш. Энэ бол тамирчин бүрийн спортын карьерын ноён оргил, сорилт юм” гэж онцолжээ.

Тэрбээр Байлсыг олон нийтийн сүлжээнээс хэт хамааралтай байгааг шүүмжилж, твиттерт бус өөрийн бэлтгэл, үзүүлбэртээ илүү төвлөрөхийг зөвлөсөн байна.

Байлс тэмцээнээс явсан нь баатарлаг үйлдэл огтхон ч биш. Эсрэгээр, энэ хувиа хичээсэн үйлдэл бөгөөд үүнийг харин хэн ч шүүмжлээгүй нь хачирхалтай гэж Морган бичжээ.

Спортын нэг ч тоймч Симоныг шүүмжилсэнгүй. Учир нь тэд олны санаа бодлоос айж байна.

“Байлсыг шүүмжилснээр твиттерийн “Гэрэл гэгээний дайчдыг” гомдооно гэсэн үг үү? Уучлаарай, гэхдээ тамхиа хаях нь ямар нэгэн баатарлаг үйл гэж би бодохгүй байна” гэж Морган онцолсон байна.

Өмнө нь Байлс хэд хэдэн алдаа гаргачхаад алтын төлөө тулаанаа үргэлжлүүлж байсан бол Токиогийн олимпод “Зүгээр л багаа хаяад гарлаа” гэж тэрбээр дурдаад, сэтгэл санаа таагүй байх нь ялалтын төлөөх тэмцлээ зогсоох шалтаг биш гэжээ.