Хятадад 3-11 насны 140 сая хүүхэд вакцинд хамрагджээ

Хятад улсад 3-11 насны нийт 140 сая хүүхэд вакцинжуулалтад хамрагдаад байна гэж тус улсын Өвчлөлийг хянах, урьдчилан сэргийлэх төвийн дархлаажуулалтын хөтөлбөрийн ахлах мэргэжилтэн Ван Хуацин мэдээлжээ.

Энэ сарын 16-ны байдлаар, 3-11 насны нийт 140 сая гаруй хүүхэд коронавирусний эсрэг вакцин хийлгээд байна. Насанд хүрэгсэдтэй харьцуулахад бага насны хүүхдүүдэд вакцины сөрөг нөлөө бага ажиглагдсан байна. Зарим хүүхдүүдэд халуурах, вакцин тарьсан газар хөндүүрлэх зэрэг сөрөг нөлөө илэрчээ.

БНХАУ өнгөрсөн аравдугаар сараас эхлэн 3-11 насны хүүхдүүдийг вакцин хамруулж эхэлсэн билээ.