УБ-Улаан-Үдийн нислэгийн тоо нэмэгдлээ

Энэ сарын 30-наас эхлэн Хүннү-Эйр компаниас Улаанбаатар-Улаан-Үд чиглэлийн нислэгээ долоо хоногт дөрөв болгон нэмэгдүүлнэ гэж зарлалаа. Долоо хоног бүрийн Мягмар, Пүрэв, Бямба, Ням гарагуудад нислэг үйлдэх юм.

ОХУ, Монголын хооронд өөр нислэг байхгүй байгаа тул БНСУ, Япон, Сингапур зорчихыг хүссэн орос иргэд Владивосток, Новосибирск, Москва зэрэг хотоос Улаан-Үдэд ирдэг болсон тул нислэгийн тоог нэмж байгаа ажээ.