Японы хот нүүлгэн шилжүүлэлт зарлав

Японы Миязаки мужийн Ничинан хот 17 мянган оршин суугчдаа хандан нүүлгэн шилжүүлэлт зарласан тухай NHK мэдээлэв.

Хотын оршин суугчдыг Аэрэ хар салхийг угтсан их хэмжээний аадар бороо орж байгаа тул нүүлгэн шилжүүлэхээр болжээ. Аюулын дөрөвдүгээр түвшин тогтоож, хөрсний гулгалт үүсэх эрсдэлээс сэрэмжлүүлж байна.

Тус улсад аюулын таван түвшний дөрөвдүгээр түвшин зарлагдахад ард иргэдийг аюулгүй газарт нүүлгэн шилжүүлэх журам үйлчилдэг байна.

Даваа гарагийн өглөө Миязаки мужид 37 мм хур тунадас оржээ. Тайфун өмнөдөөс хойд зүгт бага хурдаар чиглэж байгаа нь хар салхины үргэлжлэх хугацааг уртасгаж байна гэж цаг уурчид анхааруулж байна. Мягмар гарагт Аэрэ хар салхи Кюшю аралд хүрч, чигээ өөрчлөн Токиод хүрэх гэнэ.