АРАВТ-2022: Ойрын зайн холимог буухиан тэмцээн ОХУ-ын багаар эхэллээ

"Аравт-2022" олон улсын морин цэргийн уралдааны ойрын зайн холимог буухиа наймдугаар сарын 17-ны энэ өдөр ОХУ-ын баг тамирчдаар эхэллээ.

Ойрын зайн холимог буухиагаар сонсогч Ш.К.Леонидович захирагчтай тасгийн залуус явган 3.1 км, морьтой 4.1 км замыг туулж, маршрутын дагуу байрлах цэгт гранат шидэх, саадын зурвас туулах, буудлагын дасгал гүйцэтгэх, тактикийн ажиллагаа, морины давхилт дунд гранат шидэх зэрэг даалгавруудыг амжилттай гүйцэтгээд барианд орсон юм.