ОХУ-ын парламент шинэ субъектүүдийг нэгтгэх гэрээг соёрхон батлав

ОХУ-ын Холбооны зөвлөл /парламентын дээд танхим/ нэгдсэн чуулганаар Донецк, Луганск, Херсон, Запорожье мужуудыг Оросын бүрэлдэхүүнд нэгтгэх тухай олон улсын гэрээг соёрхон батлах тухай хуулийг дэмжив.

Эдгээр баримт бичгийг есдүгээр сарын 30-нд Москва хотноо байгуулсан билээ. Олон улсын гэрээнд шинэ субъектүүдийн хилийг тогтоох тухай заалт оржээ. Эдгээр субъектийн хилийг эдгээр муж байгуулагдаж, ОХУ-д нэгдсэн өдрийн байдлаар байсан нутаг дэвсгэрийнх нь хилээр тогтоохоор болсон байна. Гэрээнд зааснаар, гаднын улсын нутаг дэвсгэртэй залгаа хил нь ОХУ-ын улсын хил байх гэнэ. Түүнчлэн, шинэ субъектүүдийн Орост элссэн өдрөөс эхлэн хоёр бүгд найрамдах улс, хоёр муж үүсгэн байгуулагдаж, одоогийн нэрээ хадгалан үлдэнэ гэж гэрээнд тусгажээ.