Сурагч хүүг хүчирхийлсэн найруулагчийн ялыг хөнгөлжээ

Москва хотын шүүх “Ералаш” кино сэтгүүлийн найруулагч нарын нэг болох Илья Белостоцкийн ялыг хөнгөлөх шийдвэр гаргажээ.

13 настай сурагч хүүг хүчирхийлсэн Илья Белостоцкийд 14 жилийн ял төлөвлөж байсан ч 7.5 жилээр хөнгөлж, 6.5 жил хорих ял оноосон байна.

Найруулагчийг 2020 онд бэлгийн дарамт, хүчирхийллийн хэрэгт сэжиглэн баривчилжээ. 13 настай жүжигчин хүү түүний эсрэг гомдол гаргасны дагуу шалгахад Белостоцкийн гэрээс нүцгэн хүүхдүүдийн зураг, бичлэг олдсон байна.

Найруулагчийн өмгөөлөгч нар түүнд төлөвлөж байсан 14 жилийн ялыг хатуу байна гэж заргалдаж байжээ.

Белостоцкийн баривчлагдсаныг ойр дотныхон нь жилийн хугацаанд нууж чадсан байна.