“Neuralink” компанид хүн дээр тархины чип туршихыг зөвшөөрсөнгүй

АНУ-ын Хүнс, эмийн чанарыг хянах газар Илон Маскийн үүсгэн байгуулсан “Neuralink” компани хүний тархинд бичил чип суулгах туршилт явуулах зөвшөөрөл олгоогүй байна.

Ройтерс агентлагийн мэдээлснээр, бичил чипийн тусламжтай бодлын хүчээр тоног төхөөрөмж удирдах туршилт байв. Тус компаниас өнгөрсөн оны эхээр тавьсан хүсэлтэд бичил чипийн литийн зайн аюулгүй байдал, чипийн бичил утаснууд тархины бусад хэсэгт нүүх эрсдэл, тархины эсийг гэмтээлгүй чипийг аюулгүй авах асуудлаас үүдэн татгалзсан хариу өгсөн байна.

Ройтерс агентлагийн мэдээллээр, тус компани технологио улам боловсронгуй болгох тал дээр ихээхэн хүчин чармайлт гаргасан хэвээр байна.